.
 
الرئيسيةبوابة الجنةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 مريض بالمستشفى كل من يطلع من عنده يـضحك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هانامنتانا



انثى عدد الرسائل : 149
العمر : 29
نقاط : 1054
تاريخ التسجيل : 07/06/2008

مُساهمةموضوع: مريض بالمستشفى كل من يطلع من عنده يـضحك   الجمعة يوليو 11, 2008 2:31 am

السلام عليكم ورحمة الله وبركاته

بسم الله الرحمن الرحيم

((قصة طريـفة وواقعيـة)) إدخل و شوف بعينك ..

--------------------------------------------------------------------------------

مريض بالمستشفى كل من يطلع من عنده يـضحك
((قصة طريـفة وواقعيـة))

--------------------------------------------------------------------------------


جلس ذلك الرجل على السرير الابيض ... في احدى المستشفيات في بلدنا الحبيبه ...
وكان كل جسمه شاش ورجلينه كلها جبس
وما تسمع الا تآآآآوهاااااااته:
مغير يون من الاوجاع اللي فيه
عاد انا قلت يمكن انه مسوي حادث قوي
او انه محترق او او او ... الخ

المهم جت الساعه 4 العصر
وبدا وقت الزياره

انا استغربت من شي غريييييييب مره
كل من جاء يزور هالشخص يطلع من عنده ميت من الضحك

انا جاني الفضول وقلت وش السالفه
وعلى هالحال كل من جاء وسلم عليه ما تسمع الا ضحكهم من ورا الستاير

انا قلت لازم اعرف وش السالفه

انتهى وقت الزياره
وانقز له على طول
واتشافا له واقوله الحمد لله على السلامه
عسى ماشر ومن هالكلام
وانا كل همي اعرف ليش يضحكون:

المهم قلت له: انا اشوف اللي يجونك ما يرحون من عندك الا و ضحكهم واصل اخر المستشفى ... قال لي : هههههههههه ليـش عاد أنت حاسدنا على الضحكه ... قلت له : لا يـا أخوي مهوب كذاك السالفه والله لو عندك مليون كان يمكن أحسدك! ... بس اضحكوا عادي خذوا راحتكم بس بغيت اعرف السر يعني ... اذا ما عندك مانع ... قال لي : طيـب ولا يهمك ... انت مثل ما تشوفني مكسر ومربط بالشاش ...
قلت له : أيـوه والله ... الله يشفيك...

قال لي : يا طويل العمر انا ساكن في شقه في الدور الثاني ... وعندي بلكونه مامن زيـنها ... واذا نمت فتحت باب البلكونه .. وطفيـت النور ... وتسدحت على السرير ...
ويوم نمت على السرير ... وغصت في اعماق اعماق نومي ... حلمت اني في يوم القيامه ... وحلمت مثل ما تقول ان الناس في مكان مثل موقف الباصات وفيه باصات رايحه للجنه وباصات رايحه للنار !!! .... المهم الجماعه ينادون بالاسامي .. فلان بن فلانه باص النار ... فلان بن فلانه باص الجنه .. وهكذا
فلان بن فلانه ....هه هذا اسمي ... وقلبي يـدق و يـدق... رووح باص الجنه .... اووووووووووووه الحمد لله ارتحت
ومشيـت ادور على الباص اللي مكتوب عليه الى الجنه ... وحصلته ودخلت فيه ... مشيـنا بالباص وبعد فترة جاتنا لوحه مكتوب عليها (الجنه 50 كيلوا) (النار 100 كيلوا)
وهذا وحنا مع اللوحات .. والله ونتعدى الجنه ... قلت يمكن السواق يـعرف مكان لباب ثاني ....
شوي وشفت النار 15 كيلوا ... وبعد شوي النار 10 كيلوا ... وكل شوي نقرب من النار ... يا رجال وش السالفه .. المشكله الناس ساكتيـن وما حد قلق في الباص الا انا .....قلت بدخل عالسواق وشفته معطيني ظهره ... إيـه إإإيـه أنت وين رايح ؟؟؟!!!!!!!!! ... قال لي بدون ما يلتفت : رايح النار يا حبيبي ..... قلت له : ويـش انا من اهل الجنه .. وليـش توديني النار يا وجه النحس!!!....
والتفت لي ... طلع هو ابليس !!! .. الله يلعنك ... انا من اهل الجنه .. يا ملعون لا توديني النار .. انا من اهل الجنه .... والله العظيم اني من اهل الجنه ... تو من شوي قايلين اسمي ... وقف يا ملعون ... وقف يا ملعون ... وهذا انا
أصورخ... وهو بانواع الضحكات الشريره هاهاهاهاها ... هاهاهاهاهاهاهاها ... هاهاهاهاهاهاهاهاهاهاهاهاها . .. قلت له يا ملعون وقف !!! أبي انزل !!! ... قال : والله الباص هذا مبرمج على انه ما يوقف الا في النار ... تبي تنزل أقفز منه .... وركضت على الباب وفتحته ... وهوووووووووووووووووووووووووووو ووووووووووووو وووب






ولا وعيت الا في المستشفى ... قافز من البلكونه ... في الحوش !!!!

.............................. .................... ........................

يقال أن القصة صحيحه ... وحصلت لواحد كان منوم في مستشفى المجمعه العام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مريض بالمستشفى كل من يطلع من عنده يـضحك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الطريق إلى الجنة :: المقهى الثقافي :: القصص والروايات-
انتقل الى: